بلادي.. مش هقول حلوة
دي كلمة مش هتوفي الوصف
تاريخ نقشه على الجدران
قلم فنان ما يعرف قصف
ونيل.. بيغني لترابها
مواويله... بأجمل عزف
هواها نسمة بتهفهف
ولو يغضب. بيعصف عصف
وشعب أصيل. بيتحمّل
وفي الشدة الصفوف تتصف
وفي الجيزة بنى الأهرام
بإيد فنان. رصفها رصف
حجارة جابها من أسوان
وهندسها زوايا، وحرف
بإيه؟ وازاي؟. ما تسألشي
رفعها ازاي؟. ولا تعرف
ما فيش حاجة عليه صعبة
ولا يعرفشي عجز وضعف
ومهما تدور عليه أزماااات
يعدّيها.. ولو بالزحف
بلادي، رغم ما فيها
جمالها يفوق بليغ الوصف