أهو فات أربعة
واهو جاي أربعة
وان كان مكتوب
يولدوا أربعة
وعشان يكملوا
أربعة في اربعة
نديها بقشيش
زيّهم اربعة
الدنيا ماهيش
هيصة وصربعة
محتاجة يكون
عندنا مجدعة
ونعيش كدا كدا؟؟؟؟
كلنا مع مع
لو عاوزة رتوش
نديها أربعة
والشعب يعيش
عيشة منعنعة
ومنين؟ وبكام؟
دا البيضة باربعة..
روح نام يا عجوز
وبلاش بعبعة
كفاياك تشكيك
وكلام زعزعة
دا انت يا مسكين
صحة مضعضعة
وان ليلك طال
صلي لك اربعة
واختمها ختام
حلو ف صومعة
واللا انت عميل
وبتاع فرقعة؟