في البداية بعتذر يا قلبي، عديها النوبادي
مش ملايكة، دول بشر، وف طبعهم يا قلبي عادي
يجرحونا؟، عادي عادي
يظلمونا؟، برضو عادي
صبرنا طيّب جراحنا وقلنا عادي
والليالي مسيرها تضحك تاني عادي
واللي باعك بالرخيص يطلب ودادي
ابتسم ياللا يا قلبي، وابتدي، وخليها عادي
لو طريقنا كله كان بستان ورود
كان هايبقى للعطور قيمة وتمن؟؟
لو غرامنا عاش كدا حلو وودود
كنا نعرف يعني ايه نشتاق، نحِن؟؟
لو حبايبك خانوا حبك هما برضوا الخسرانين
فين يا قلبي يلاقوا زيك هما فين الطيبين
بياعين الحلو دايما ندمانين
يجرّحونا؟، عادي عادي
يظلمونا؟، برضو عادي
بكرة بكرة يندموا يا قلبي عادي
والليالي مسيرها تضحك تاني عادي
واللي باعك بالرخيص يطلب ودادي
ابتسم ياللا يا قلبي، وابتدي، وخليها عادي
كنا فاكرينهم يا قلبي نور عيونا وروحنا فيهم
وابتدينا نرسم الأحلام ونعشقها ف عنيهم
عمرنا ما اسينا مرة، وياما همّا علينا إسيوا
عمرنا ما نسينا ضحكة جمّعتنا، وهما نسيوا
نسايين الحلو دايما ندمانين
يجرّحونا؟،عادي عادي
يظلمونا؟، برضو عادي
بكرة بكرة يندموا يا قلبي عادي
والليالي مسيرها تضحك تاني عادي
واللي باعك بالرخيص يطلب ودادي
ابتسم ياللا يا قلبي، وابتدي، وخليها عادي