البارحة بالليل نمت ولا هنالي مرقدي
كنّي مريضٍ يلتوي بفراشه وزاد مرضه
كلّه سبايب هرجةٍ عوجا لفتني من ردي
مدري وش الدافع ولا ادري ويش قصده وغرضه
ما دام يخفي خلف صدره مثل نارٍ توقدي
خلّه على فاله وابى اجنّب ولاني مبغضه
عرفة وجه ما هو قريب ولا رفيق ولا سندي
يعني غبارٍ جاء على ثوبي ويدّي تنفضه
وأنا على فعل المراجل مستزيدٍ بجهدي
وعلى النشامى دايمٍ كل احترامي أفرضه
وأنا غرست الطيب بالطيّب مثل غرس الودي
ودونه هماج المورد مْن سنين يدّي تدحضه
من شان تقدير الرجال أغادر أقطار بلدي
في لازمٍ والحر دايم ينعرف من منهضه
وإن جت على بدع الشعر ماني بشاعر مبتدي
وإذا فتلت البيت يعجز من يحاول ينقضه
بيت الشعر مكسيه ثوبٍ صانعه من عسجدي
واسمع فريد الشعر يالمبدع وخذ لك موعظه
كثير من فكره على فكري ويجهل مقصدي
وأنا على وضح النقا بالزين والشين ارفضه
دربي سنودٍ والرديّة درب أهلها جرهدي
وعن كل حاسد محتمي بكتاب ربّي واحفظه
وإذا بلاك الله بعرفة مع ردي يالاجودي
خلّه على فاله وتلقى بالرجاجيل عوضه