قال انتعرف والله هاذي جديده
ظنك بسيطة بنت لرجال تعطيك
ما همنى منك المشاعر بليده
ابعد تنحى ياخي والله مابيك
ترى خفوقي ينقصك لو تزيده
ويذل إحساسك ورِفعة معاليك
مشهور يعني والمعارف عديده
شاللي استفدته من غرورك تعاليك
روحي ترى في الهوى جدا زهيده
ما هَمها كونك يا حضرة البيك
كلك على بعضك اماني عنيده
وانا عنيده حضرتك ما ادانيك
تنولني عنك وربي بعيده
اقسى من الصوان تِحلم اجاريك
وخذ كلامي هاذي جُملة مفيده
ما تنفع افكارك ولا لهجة الشيك
ولا بتوصل مني اللي تريده
ولا تفيدك رقتك او ترجيك
تقول خِبله والله انا سعيده
وادري بأن اللااا بالحيل تغريك
واقولها مليون مره مديده
منت ابكفو حتى الحمايل تباريك
وان كنت بارع فالهوى او تجيده
اشرب هوا مليار يمكن يكفيك