لاتزعلني وأنا شاعر يخوّف في صوابه
وإن زعلت الله يعينك والله إن مافيني حيله
مبتلش في نفسي وأنت أشغلتني وصارت طلابه
ألف مره قلت لك مزحك ترى زوّدت كيله
منهو أنت ومنهو حنا هالسؤال أبغى جوابه
هاتها من لحيتك ياللي تدّور للفشيله
حط أيدك فوق راسك جعل يشبع به غرابه
مابقى غير أنت تحكي في عتيبه بالهزيله
لن أسامح قبل أشوفك منحني قدر ومهابه
نيلت من فوق راسك يالغبي ستين نيله
أنا ماأشبه أحد والزير سالم لي يشابه
مثل منت الحين في عيني تشابه للجليله
ياكديش القوم قم والدرب يوصل من مشابه
منت كدش إلا جحش وأحصاننا أسمع صهيله
من كويت العز أصهل والتفت نجد وهضابه
والصدى يحفر في وداي الرشا ويسيل سيله
الشعر لو مامدح ربعي أنا ياويش أبابه
والله اللي خصنا بين القبايل بالفضيله
أي خوال المصطفى حنا وحنا من الصحابه
بيننا عاش الرسول الهاشمي وعندي دليله
عاش معنا وفي حمانا طفل إلى أول شبابه
ثم عاد بحكمة الله وجاب دين ٍ نهتدي له
كان يرضع من حليمه أختنا وتغسل ثيابه
ومن حليمه لولا بنت سعد لم تنجب جميله
من بني سعد ٍ حليمه وحنا معها في قرابه
كلنا بني سعد أبن هوازن النبيله
كنا في أرض الحجاز وجينا في نجد ورحابه
قادنا شيخ ٍ نصى له شيخ في أجمل وسيله
ثم جانا الشيخ ثوبه قاصر ٍ من حرّ مابه
وحنا جينا نروي كبد الشيخ من دّم الصقيله
جينا جينا غصب جينا وتاكل الجن الذيابه
وسط نجد أولنا وآخرنا يركبّ سرج خيله
هايله من الهوايل من حسب ضيّع حسابه
لاأجتمعنا كل حيّ يشوفنا نبا نهيله
ماجهلنا كل كائن بلله وبل السحابه
دام حنا روسنا من فوق أكتاف المخيله
كوكب ٍ ع الأرض منزل من سمانا الله جابه
الله اللي أنزله والله وحده من يشيله
ربعي الهيلا عتيبه لابتي هم خير لابه
من بحر جده إلى شط الفرات وسلسبيله
ياعتيبه وياعتيبه ياعتابه وياعتابه
ماهو نقص ٍ بالقبايل مير حنا أعظم قبيله
يامطانيخ الرجال اللي على راسي عصابه
يامحولة المحال لحاجه ماهي مستحيله
يامعمرة المساجد حين تدعو الإستجابه
يامطاليق الوجيه ويامروضة الأصيله
لولا خوفي من إله الكون وأخشى من عذابه
قلت حنا آلهه للطيب وأسياد الجزيله
من خلقنا الله خلق فينا الشموخ مع الصلابه
كل عتيبي من خلق هو العظيم بوسط جيله
لو نفود السر تحكي نودها ولا ترابه
ماذكر غير الشحم والعود وجمر أحرق شليله
كم ضحك لنا حقود وممتلي بالسم نابه
لكن النفس الحقود بسمها تصبح قتيله
سيري سيري ياقوافل لو نبح خلفك كلابه
لايهمك كلب ينبح رابط ٍ راسه بذيله
اللي ماهو من عتيبه فيه سؤال أبغى جوابه
ودي أعرف ليه عايش أو حياته ويش هي له ؟