أيووووه يا برد هالليلة يبي له دفا
حضن ويدٍ تفرك اللهفة باحاسيسها
مع ان فالقلب جمر من الوله ما طفى
لكن ليال الشتا الله يقطع ابليسها
حنيّت والليل طوّل والجفن ما غفى
يتابع طيوفها.. مدري جواسيسها!!
اللي تجيني وتوعدني ب ساعة صفا
وروحي تكمل سهرها مع هواجيسها
مافيه فالحب أجمل من شعور الوفا
الى زرعت حولنا الدنيا متاريسها
ولا فيه أصعب من الحرمان والا الجفا
ف قلوب تطفي لياليها فوانيسها