فيها واحد رغم شيبته
عمره مايقضيها نوم
لسه قادر إنه يدعي
لسه بيصلي ويصوم
لسه أيده قادره تضرب
ألف دقه بالقادوم
فيها واحد رغم ضيقته
لسه بيشحَّت هدوم
فيها واحد لما يغلط
عمره ما بيركب عناده
فيها واحد كل همه
يسعى ويعلم ولاده
إن حب الأرض واجب
إن عشقه يكون بلاده
فيها جندي لسه واقف
صبعه ثابت فوق زناده
فيها شاعر لسه فاتح
للمعارض ليه بريده
عمره مابيهدم لبيته
أو يكرر أو يعيده
لسه فيها حد مادد
للغريب بالود إيده
لو غيطانك يوم هتنشف
يروي أرضك من وريده