ارحم خفوقٍ صار بالحب مظلوم
ياللى جَرحت الروح سِبة: غيابك
وسهم الغلا نازل وخاسر من اليوم
في بورصة الإحساس بأسهم عذابك؟
خليت عيني ترسم أحلامها اغيوم
غيمة لهجرانك وغيمة لذهابك
خليتني ولهان واشقيت هالنوم
سهرتني طول الليالي ابعتابك؟
قسيت قلبك بعد ماكان مغروم
وتوني دريت البعد يرضي جنابك
ذوقتني الآلام في حب مسموم
ومن كثر كرهك سم حبك غدابك
علمتني: وشلون انا صير معدوم
وكيف ابغبائي اتبعك في شرابك
أثرك قدرت اتبوقني وإنت مكتوم
تخطفني ابنظرة تِعدت نقابك
والمشكله باللي تسويه محشوم
لو أرتوي حسرات بأعشق سحابك
وش حيلتي لا صرت بالحب ملزوم
مابي اخونك ولابي اطعن سرابك
واذا نويت افطر عن الحب ماصوم
القى بديلٍ لك وأذبح ذيابك
توي عرفت اني ب هالحب موهوم
وياليت تعفيني من اوجه خرابك
للحين قلبي امن الخطا حيل مصدوم
وتوني دريت البعد يرضي جنابك