بحبك زى ما تكونى
وبعشق كل شىء فيكى
وصورتك ساكنه فعيونى
وعمرى بشوفه فعنيكى
وحالف طول حياة روحى
ما أحن لحد غير ليكى
بحبك زى ما تكونى
وبضعف وانتى مش جنبى
بحس بشوقى وجنونى
فى يوم ما تغيبى عن قلبى
يقولوا البعد بينسى
وف بعادك يزيد حبى
بحبك زى ما تكونى
يا قمرى وليلى ونهارى
يا أقرب من وريد فيا
وأقرب ليا من دارى
يا أجمل حد حبيته
وأحلى ملاك ف مشوارى
بحبك زى ما تكونى
يا أقرب ليا من نفسى
يا صوتى ونبضى وسكونى
يا أقرب من حنين همسى
ومن غيرك بتوه واضعف
ويبعد عنى نور شمسى
بحبك زى ما تكونى
حزينه جريحه مغلوبه
يا عمرى وفرحى وظنونى
يابسمه ف قلبى مكتوبه
وساعة بعيشها من غيرك
ماهيش فى العمر محسوبه
بحبك زى ما تكونى
رقيقه بريئه مظلومه
بحبك حتى لو كنتى
شريده عنيده مهمومه
بحبك ذكرى فى الماضى
وفرحة ف بكره مرسومه