بعد ما حلمت إنه سرت غربة الترحال
و عشت بربيع العمر ورموشك ظلالي
صحيت أتهاوى من على جنّة الآمال
أنا وين بتكسّر وتتكسّر آمالي
صحيح إنّي أخطيت بخطا سببّ الغربال
جرحت الخفوق اللي سكنته بغربالي
أبفتح ضلوعي لك وهاتي نصل قتّال
إذا طعْنتي تغفر ذنوبي وأفعالي
بلياك أنا مالي بدنياي أي منزال
و لا ظنّ بلقى راحة البال بلحالي
ولا ظنتي تلقين في جفوتك مقيال
ألا كيف ذوق المرّ أحسن من الحالي
كفاك ِ تجافي وارحمي دمعة الرجّال
ترى دمعته ما تنزل إلا على غالي
وخلّي ليال البعد تقفي ورى العذّال
و ردّي حياتي بابتسامة لمرسالي