للحين عايش

للحين عايش..

في قلب مغليك

ينبض رجاء.. ينبض يراعيك

ما قد طفى جمر اشتياقي

يضوي على عهدك وباقي..

مدري متى يوم التلاقي..

في غير هذي الأرض أناديك

أبكي وأضم يدّي ليدّك

وأحكي لك اللي صار بعدك

فقدت أنا عمري بفقدك

تدري الحياة توقّفَت فيك!

ليتك هنا..

ياللي ضياء وجهك يواسيني

يمطر سحاب الملح من عيني

وتزهر ضفاف الخدّ من سيله

ليتك هنا..

ليتك هنا الليلة

للحين تصحى..

في حلم مغليك

أتأملك.. أضحك وأناجيك

أتذكر أيام الطفولة

والخير بوجودك ننوله

الله.. كم مرّت عجولة

ولمّة حبايبنا حواليك

يا ليت القى لي طريقة

أسلى رحيلك لو دقيقة

صبر المفارق من يطيقه!

لو الثمن روحي أبا أجيك..

ليتك هنا..

ياللي ضياء وجهك يواسيني

يمطر سحاب الملح من عيني

وتزهر ضفاف الخدّ من سيله

ليتك هنا..

ليتك هنا الليلة