ليت السهر ضيفٍ خفيفٍ على العين
ما يقْفي إلاّ عقْب ما تشرق الشمس
يسجّ بك دايم معَ ناس مقْفين
وإنت بْمكانك ما تحرّكْت من أمس
وليت القدَر يطْلق لسان المحبين
أصواتهم تصدح ولا تعرف الهمس
يا حظّ من هو فاز في نصف هالدين
مع من يحبّ وْ شبّك الخمس بالخمس
وليت الدهر ينْصف بكلّ الموازين
يكرّم الطيبة وأهَلْها عن النِّمس
ما عمرها زانت لنا غير يومين
هم يغرفون أكثر وحنا لنا اللمس
هي فضفضة للّيل والناس ممسين
وفنجال مع فنجال من كايف الحمس
مردّها بتزين، وإن عيّت تْزين
نشوف في باكر عوضنا عن الأمس