كِلمَا ذَابَت حُروفي إنفِضَت مِني حُروف
و إدعت إني غَريبه .. وإني كلي مُجرمه
إعذريني يا حُروفي .. كلنا بحكم الظروف
ما لنا غير انتصبر .. ع الجروح المؤلمه
جادت أفكاري .. بكلمة تحتوي كل الصنوف
الأماني .. والمعاني .. والدروب المظلمه
بس يا قلبي .. حسافة .. مالقت غير الرفوف
تِحمل افكاري عليها .. والخفايا المبهمه
اعلن الحبر .. إكتئابه .. وإنسحابه .. والعزوف
يوم لأوهام إعتلتنا .. والنوايا المعتمه
يا قصيدة شوق ضاعت .. بين أحلام وطيوف
إحتويتي من عَذابي .. الزوايا المعدمه
إسمعيني وإفهميني .. حنا بالدنيا ضيوف
لو حكيتي لا تزيدي .. عن كلام الهمهمه
لا تلوميني ولومي .. عين ما عادت تشوف
غير لأفكار الرديه .. والهزل .. واللملمه
غابت أنوار الحقيقه .. وإبتدى وقت الكسوف
يظلم أوجاني وروحي .. والهوى هم يظلمه
ما لي غير الحرف مينا .. لو كساني كل خوف
بس يا حرفي السموحه .. والله اني مرغمه
كلما ذابت حروفي انفضت مني حروف
و ادعت اني غريبه .. واني كلي مجرمه
إعذريني يا حروفي كلنا بحكم الظروف
مالنا غير انتصبر .. ع الجروح المؤلمه