أتعبني التقسيم والطرح والضرب
والجمع وش يسوى عنى.غير ذالك
وحبل الرشا.ياطي ماينقل الغِرب
مقطوع وسط البير لامن بدا.لك
لاحول ولاقوه ولاتدحم الذرب
جذب الجبا.ماوافق اعزوم حالك
من يجهلك مايعرفك يحسبك خَرب
لوالمناره بينه من هلالك
والمطلع الي يشرق بعينك الغرب
لوتسأله يمكن يجاوب سؤالك
قبل الشراره كودها يقدح الحرب
واقول مالي فيك وتقول مالك
وتثورمعك الروم والفرس والصرب
والراوي اللي تنشده..ماروالك
والنفس الأماره ورى الهايم الطرب
الغاوي اللي يشبه الليل.حالك
واللايمه ماتقضي بلومها ورب
لوقلت كم يدخل هوى من خلالك
والمطمئنه راضيه ماجنت ثرب
تاخذ مطيتها ثبات البرا..لك
ياغانم اللي مغنمه ماهو ابترب
قدم يمينك قبل تسبق شمالك
انا ادعي الله خالق العُجم والعُرب
والكون واللي ماادركته المدارك
هو مفزعي في شدة الضيق والكرب
هو منجدي من غب هول المهالك
ياخالقي لاتحرم اعروقي الشرب
يارب اغثني واحمني في ضلالك
يامن يصفّ برحمته قابض السرب
فضلك هداه وعلمه للمسالك
طالبك تهدي خطوتي مسلك الدرب
اللي يمسكني عراوي حبالك
جيتك ذليل ومنكسر راجي القُرب
ماعنك مهرب منك ياالله سوى لك