يالحون القصايد جيت اغني قصيده
واكتب احروف شعري في جديد المعاني
الليالي جدايد والسوالف جديده
وماتغير محلي باقي في مكاني
ماتزيد الشدايد والضروف الشديده
غير عودي صلابه مارضيت الهواني
عند راع الوكايد لك علوم وكيده
واحسب ايام عمرك ساعتك والثواني
لاتحسب البعايد عنك دايم بعيده
اول الميل خطوه ي العريب الحصاني
لوتسر الوسايد كان سرت وسيده
حضها الجوع يصبح والشقا والهواني
دون مطل الوعايد لا تقدم وعيده
لوتجيك البشاير كل ماجاك عاني
ماسلم كل صايد جاه منهو يصيده
يوم واليوم الاخر كان لك ترجماني
اعتبر فالعوايد كيف منهو يعيده
والرخا والشدايد كلبوها عواني
شابت احروف شعري والمعاني عنيده
كل ماقلت يكفي رددت ماكفاني
اتسلا لو اني ماختصرت القصيده
والعذر لو افصل ثوبها ماكساني
بس اورد واصدر مامضى واستعيده
اذكر اللي ذكرني واهجر اللي نساني
عود الشعر عندي عقب هذا نشيده
واهدي القول كله جرة الحمصاني