يرسل شواهيبه على النجم ويثير
درب المعاني ويتحدى المجره
وقع على الرسمات ويخالف السير
كنه على ماقيل فالبحر دره
وأقبل علينا با السعد والتباشير
والمشرب اللي في يده كاس مره
لاتحسبني جاهلن بالتصاوير
اللي تصور لك على كل ذره
وانا الذي بالقاف عندي تعابير
وأعرف طريقي وين خيره وشره
آرد على المعني وأعرف التدابير
في قلبي المعنى ولا أبغا تشره
لاتنضر عيونك على جمة البير
البير ماتاصل عيونك مقره
ولى زمان الثار مع سالم الزير
روح يجر الهم والهم جره
لاشك ماجيتك على ثاري مغير
لك في خفوق اللي جرحته مبره
ماهي مبرة خوف مير المقادير
إن الوفى عندي يضيع مفره
عندي على صدقي سلوم ومعايير
ماتمشي ادروبي طريق المعره
ماينفع المخلوق كثر المحاذير
لوينفعه دامت عليه المسره
ذاكر ولا أبغى منك يالحر تذكير
والنفس شامت ماتبي زود حره
ماعاد انا ابغى منك عذر ومعاذير
لاضر ادور لك ولاأبغى مضره
قف بطريقك عل فالك على الخير
والخير عله في طريقي ممره