قال لي ايلا بغيتي تسلم ما تشهد مع ملا شهدك ولا تأ م

قال لي ايلا بغيتي تسلم ما تشهد مع ملا شهدك... ولا تأ م

قالي لا تمدح لا تدم ملا عاشرتي عام ايلا كنتي تفهم هاكذا قالي بويا

قالي خود كلام صحيح ما يقتل السم غير السم وما يداوي القيح غير فقيان القيح

قالي عمرها ما تنفع القباحة واش فاد الكلام لي ما فيه الروح ميت القلب عايش فالراحة وشحال من واحد مغسول ليه الدبوح هاكذا قالي بويا

قالي العاقل وسط الحومق هولحمق وايلا ما كنتيش تعيق نعس ولا تفيق

قالي الصمت حكمة ومنو تفرقو لحكايم حضي راسك من كلمة تخليك فالزناقي هايم هاكذا قالي بويا

قالي يسر ولا تصعبشي فالدين عمر الدين ما كان بلبدة او بسروال دجين

قالي عجبي من سارق بيتو آش ياخد وآش يخلي كيتو هاكذا قالي بويا

قالي لعمر مهما طال قصير ما يدل بنادم غير قلة الشي او يكون حصير

قالي قالي ما تحك على جرة ما تنبش لا تقلب على جوا منجل لا يولي لك حنش

نصحني بويا والنصيحة حياة ما بقى فالدنيا قد لي فات شفتي واش قال لي بويا