عَرْفُوا يْلُومُونِي
عَرْفُوا يْلُومُونِي
مْنِينْ حَاطَتْ بِيَّا بْحُورْ الْجَمَالْ
عَرْفُو يْسُوّْلُونِي
وكُلْهَا كِيفْ طْرَحْ السُّؤَالْ
تْبَهْرَتْ عْيُونِي
قَدَّامْ آيَة قْرِيبَة لَحْدُودْ لْكَمَالْ
لاَمُونِي مْنِينْ سَهَّدْنِي طَرْفَكْ
وْمَلِّي رَقْصَتْ لَمْعَانِي فْوَصْفَكْ
كُلْشِي طَالَبْ رَاغَبْ عَطْفَكْ
وْعَطْفَكْ ضَرْبْ مَنْ الْمُحَالْ
كُلّْ مَافِيكْ حُسْنُو بَاهِي
كُلْشِي فِيكْ مَبْهُورْ وْفَاهِي
وَانْتَ غِيرْ تَايَهْ وْسَاهِي
وَالْكَلْمَة مَنَّكْ مَا تَتْقَدَّرْ بْمَالْ
يَاجَمِيلْ الْخِيرْ ليِّ تْدِيرُو فِيَّا
خَلِّينِي نَبْغِيكْ وْغِيرْ تِيهْ عَلِيَّا
اللهْ يْحَضَّرْ الأَلْطَافْ الَخْفِيَّة
مَنْ فِتْنَة تْقُولْ جَاتْ مَنْ خَيَالْ