من يومي صغيّر ماطيق الزحام
منعزل والحلم يجري ف عروقي
ما لي على الهرج وزود الكلام
خير الكلام ما قله فسوقِ
ما راق لي الحب اعتزلت الغرام
على صوت المطر قلبي خفوقِ
اهوجس ب فكري والعالم نيام
من مغيب الشمس حتى الشروقِ
اسأل الليل عن ماضي الايام
وين اصحابها؟ وكيف راحت تسوقِ؟
ما على العالم ولا الدنيا ملام
ما بقى من على عهده صدوقِ
يغنيني ربي اللي ما عينه تنام
عن الحساد وعن كل من يعوقِ
غيري يطمح للي وصلته من اعوام
واللي طمحته فوق علمه يفوقي
الامجاد نكتسبها ما هي بالأقلام
المجد ما ينعطى… هو من الرب مرزوق(ي)