يا شيخ، لى بفعلك تروي الضامي
ويا بدر الدجى ويا منور لياليها
بعون من احيى ميتات ل عظامِ
رب البشر هو ل الكون واليها
نمشي على درب ان توطاه الاقدامِ
تفرق مقادمنا عن كل ماشيها
ما ينوطى العز قدم ناسٍ نيامِ
ولا يزيدها غير نومٍ يقضيها
يوم العرب تصحى عل شد لخيامِ
نبني بروجٍ فوق السحب عاليها
لو تشوف دبي في برجها السامي
سمت به خليفة وهو نِعم راعيها
بنى محمد المكتوم بعز وإقدامِ
لين انضرب بالمثل للعزم فيها
حتى تسبب بين السحب ل زحامِ
وناطح المريخ ولو بغى يرقيها
ويامن تمنى من صعيبات الاحلامِ
طوبٍ ورا طوب اتقوم بانيها
ريح ضميرك ولك رب الانامِ
لو من نصيبك هو لك بيوحيها
ما خاب عبدٍ دعى رب الاكرامِ
ياهي تصيبك او لك الاجر فيها
وانا وش حيلتي في صعب المرامِ
اصيلٍ لو هي تنشرى ابشريها
لكن وصفها نادر ولاهي ب تنسام
ولا هي تنعسف ولحدٍ يساويها
وانا فارسٍ امطي الفرس ب لجامي
واحب العنيد اللي صعبه تجاريها
وهو طبعٍ ورثته من ناسٍ اكرامِ
وحقٍ على الطيب بالطيب يوفيها
ولين آخر الدهر هذا طبع الايام ِ
صعبات الايام يا مطول لياليها
اسطر المعنى لين جفت اقلامي
وعيوني ماطاع السهر يغفيها