صاح بك هالقلب ياخلّي
من هوى روحي تحْرمونه
لي زمام البال متولي
راضيٍ في دار مسجونه
ما شكى به جورٍ وغلّي
لو غدى ياسعود مطعونه
بمسح العبرات واهلّي
ياهلا بالقلب وشجونه
أشرقت شمسٍ ليا طلّي
واظلمت هالدار من دونه
دون حاج العقد والحلّي
يستمد العقد من لونه
مهرةٍ في صهلها اتخجلي
يا سعد من هم يمونونه
لا يشوفه حاسد ايعذلي
خوف بي هالناس يلومونه
عاد لي يومين واحس لي
ف الذي هم مايحسونه
لو ظلم ابظلمه العدلِ
لو رمى هالقلب بسجونه
عسى خلي دايمٍ يسلي
والهنا هو مسكن عيونه
ما يرده قلب ولا عقلِ
لو يصير العقل مجنونه
يا سعد ان كان يستعلي
قول من حقه يسمونه
خشفٍ احور طرفه مفلي
عسى يرفق فاللي يحبونه