حرگني المستحة والشوگ
على كل حال... سولفلي
ابرد بالحچي الدافي
يكشخة بالي سولف
مو أخذني الشيب
بلكت يخدروينسة
آنه وياك
چنه نخاف من انفاسنه اعلينه
وچان الماي يتوضه بطوراينه
اي ترفين
طير الحب إذا يزعل يبچينه
وهسه مرايتي بلياك بيه تعيل
ملامح وجهي غيرهه انتظار الضاع
وتشبه حالك اوصافي
ترة ذاك الخضار اجرد ابفرگاك
البسمة تفطر شفافي
يكاتلني وكتلك لچن مجيورين
من گطعو مهر لليوم
احس خيط الضوة گطعوه
الناس تشوفنه عدلين...
بس ميتين...
من نشوف
عصفورة بحظن عصفور
البصاحبته گدام الخلگ مغرور
كل ثنين فوگاهم فراش يدور
احنه انموت
وآنهوذاك...
سعفة تغازل التنور
والدخان... مدري شچان...
لو نارك اقل شي صرت عود بخور
وانه ادري الحچي ما يوصف البية
ما بين الندة والگاع...
حسرة ورة جورية
وشيرد الندة الحظن الورد لو طاح