مهما كان الظلم مر
القيود متعبش حر
يا بلادنا الضيقة
مهما حبل المشنقه
قرب كتير من الرقاب
مهما تقتل ف الشباب
كل لحظه هيتولد
ألف حر من التراب
ياشعب يا مشيع شهيد
سيبك من الشعب العبيد
اللى عايش ف السراب
إجهز يا شعب ليوم مجيد
يوم ما ترجع ثورتك
يوم ما ينزاحو العبيد
يوم ما ينزاحو الغفر
والإعلامية بتوع سقر
واللى خانوا العدل ياما
واللى تاهو ف يوم سفر
إجهز يا شعب ليوم حساب
يوم رجوع حق الغلابه
يوم هروب كل الديابه
يوم ما ينزاحو الكلاب