يعنى ايه أفضل أحبك
وانت فايته ألف آه
يعنى ايه أفضل أحبك
وانت بتفارقى الحياه
يعنى ايه بتحكمى
فيك الطغاه
يعنى ايه ياخدوا نفطك
ويدوه هديه للغزاه
يعنى ايه أنام ف حضنك
ثم ياخدونى اشتباه
يعنى ايه لما قلمى
يصادروا من حبره الحياه
يعنى ايه يبقى شريفك
مش شريف
يعنى ايه يبقى نظيفك
مش نظيف
يعنى ايه تبقى حياتك
كلها بهتان وزيف
يعنى ايه دايما نعيش
ساكنا جبن وألف خوف
يعنى ايه تيجى سيرتك
ببقى ميت م الكسوف
يعنى ايه يكون هتافنا
عاش الأمير يحيا الأمير
يعنى أيه لما الديابه
دايره تنهش كل خير
يعنى ايه لما الغلابه
ما يلاقوش قلب وكبير
يعنى ايه نبنى حواجز
ألف حيطه وألف سور
يعنى ايه ياخدوا غنانا
يعنى ايه ياخدوا السرور
يعنى ايه يعيش الغنى
يروح الغنى
ييجى الغنى
تبقى غنى
يبقى معناها
يموت الفقير