أحياناً بيخدني الماضي
أشتاق له والخبط أفكاري
كان أبسط شء بيفرخني
وازعل لو يزعل يوم جاري
كان حبي بريء ما اتشوهشي
والبسمة الحلوة تذكاري
كنت افرح ياما بضيوفي
والخير والصفح كتير كاري
وعيال الحي هنا صحابي
والعشرة ما بينا بتطول
لما بقابل عشرة عمري
بنعيد حواديتنا من الأول
ويقولي فاكر وأنا أقوله
أيام دراستنا من خمسين
وجاز لمبتنا صاحبنا سنين
واللقمة نأكلها احنا الإتنين
ونقسم علي بعض الضحكة
ولا عمر قلوبنا بتتحول
كنت افرح لما أخويا سعيد
لو ينجح أزقطط وأتباهى
وأغني كأني ف ليلة عيد
لو يتعب أخويا منمش الليل
وتشيل النفس الحمل شديد
وأول ما يفوق آخده ف حضني
وادعيله ربي رزقه يزيد
بتمني لكل الناس الخير
وقلوبنا تكون علي بعضينا
ولا أبدا يشمت فينا الغير
وتمللي نمد لكو ايدينا
بندورة دايماً ع الإنسان
بنروح له دائمًا ويجينا
لو تبقوا أصحابنا وحبايب
هتلاقوا الخير عايش فينا
وقليل الأصل واللي يخون
يفارقنا يغور من حوالينا