مرافيء غربة تطوينا
تصابحنا وتمسينا
تذكرنا بحبايبنا
يغازل الليل مآقينا
ونرحل من مداين هم
يلازم الهم خطاوينا
ونصبر لو يعود طيفك
يظل الطيف مجافينا
ليالى الريدة يا حليلا
وحليل أيام تلاقينا
أَعِدْ من بعدك الأيام
بساعاتها وثوانيها
وأطمع في لقاك قريب
وألوم نفسي وأعزيها
عسى من بعد غربتنا
أعيش دنياك بالفيها
تعود الفرحة لقلوبنا
بعد ما شوقا كاويها
نعايش عندها الأيام
نسامح جرح ماضيها
بشوفك أغلى من عيني
ومن نبضاتي وأنفاسي
بشوف آمالي في إيديك
وأقاوم بالأمل ياسي
بشوفك ذي صباح العيد
وبشوفك تاج على راسي
أقول بكرة بيعود الحظ
يغيِّر ظرفنا القاسي
ونعود من تاني شط الريد
ونعيش لحظاتنا يا راسي
بفكر فيك ما بفتر
وأقاوم قسوة الأيام
أريت البعد يتنكر
وبعد الليل يعقبه نهار
نشوف نسماته تتعطر
أريج ينعش وحلو أنسام
أسافر تاني ما بقدر
أضيع وتضيع معاك أحلام