أبقى عشرة عليها أمك
وأبقى عشرة على خواتك
وأبقى عشرة على ولادك
وأبقى عشرة على بناتك
وأبقى عشرة عليها روحك
واحفظ العشرة لمراتك
ما إنت دخري الفيه بأمل
خلي سيرتك خلي ذاتك
ذي ما كانت طيبة راقية
ما تبدّلها في حياتك
يا وليدي العمر عدى
ويا وليدي موتي قرّب
أبقى جيفة كريهة فانية
برقد القبر المترب
لا أمل في عودة تاني
ما بفيد دمعي اللي صبصب
بسأل الله حسن خاتمة
أسأله الغفران لي مطلب
ياما أغرتنا الخطايا
قلبي شرّق مرة غرّب
لما أسمع ليها أمك
تدعو بالعامي وفصيح
تقول عيالي في سعادة
ديمة في حالا مريح
والله بسعد والله بسعد
بي رضاها وأستريح
يعني راضية عليك وليدي
والله تستاهل المديح
ما بتقصر في رضاها
تكسب العمل الربيح
بس بحس أديت دوري
وقلت للدرر الخرايد
بس بحاول ديمة أرضي
ربي في الدار في المساجد
وما بزال بطلب رضاه
هو الودود رحمن وماجد
وهو الغفور يمحو الخطايا
ما بشر عندي المفاسد
لاني معصوم لاني جاحد
شاكر الإنعام وحامد
بس بوصيكم وصية
دنيا ما تفرق بنيَّ
خلوا بالكم من فقيرنا
مدوا لليد السخية
بعدي خلوا البيت منور
بالكرم وأجمل تحية
لا تردوا لمن سألكم
وكان بجد محتاج لإيدينكم ندية
واسألوا الرحمة لأبيكم
أبقى في الجنات علية