بكت عيني اليمنى بدمع وزجرتها
وبالعذل والتقريع لمت ونهرتها
وقلت احشمي ياعين بالناس قدري
مادامت الشكوى بصدري سترتها
فلا..تفضحين الحال ياعين مالكِ
ولاتنبشين أحزان دامي قبرتها
من عذلي انهارت وهلت وهيجت
بدموعها اليسرى وليتي عذرتها
وقامت تهل ومسبل الدمع يندفق
وتجري بعصياني بعد ماامرتها
تقول وشبك ليش تدري ولمتني
برسوم لاجاشت اضلوعك ذكرتها
ارسوم ماتنسى بالأيام رسمها
لو الفيافي طول عمرك عبرتها
واتمر مادامك بها حي ترزق
ريضانها اللي بالمحبه عمرتها
ياكم وكم مريت مره ومره
اطلال لالاحت بدربك نحرتها
يومك تجيها بالمشاهد تذكرك
بوصوف دارك لافنيت وهجرتها
وتطوف ماوافق بالأرواح طايف
ارواح ماتدري لوانك حظرتها
كم تحبس الجدران وحدود منزل
اجساد بكتاب الملامح بصرتها
ارواحها مع ساكن الود تسكن
ومع غيبته غابت لو انك نظرتها
حتى انت لك لوح بكفه موادع
سافر وله قطرات دمعي نثرتها
لاللعتب لعيون ذابت وذبلت
دامي محاجرها لذكره نذرتها
لي العزى قطرات مايوم تنقطع
مادام ذكراها بليلي سهرتها
لوقلت ياعيني بدمعك كذبتي
وتكابر ونفسك بنفسك قهرتها
وتروح بي يم الأطباء وتدعي
بأوجاع موهومه بضنك نشرتها
ابديت لك وابديت بالصدق حجتي
برسوم مرسومه بخدك حفرتها
وابين اللي بالمحاجر تبروز
لك صورته لاتحسب انك كسرتها