صدق الاماني ما تجي من فقدها
جاني املها بالزمان وسالته
جتني وهي تمسح مدامع نكدها
والجرح عيا يندمل واحتملته
قالت حياتي تطلبك يا بعدها
ياحلمي الي اتبعه ما وصلته
قلت الشهيد الي عيونك نشدها
بك مقتله يا غايتي ماقتلته
لك البقا ذكراه ثابت وتدها
يضرب ثواني نبض قلبٍ شغلته
لو تشتكي نفسك مسارب جهدها
ماهو براجع لك لو اني كفلته
والحين ردي دمعتك في مهدها
ولا اغسلي من هو بصدري حملته
قالت حقيقه شافها من وجدها
تعكس عملك الي بنفسك عملته
والروح ترحل لو تحرك جسدها
والنفس تفنى والهوى لا عذلته
قلت ارحلي والارض هذا مددها
منكي عرفت الي بنفسي جهلته