عصفورتي شوفي الأزهار ذبلانه
وأنا من الصبح اناديلك ولاجيتي
لكن تعالي ترا الاعصاب تلفانه
وانتي لياجبتي الاخبار ابطيتي
عصفورتي من غيابه حيل تعبانه
ماخطيت والله لوقلتي لي أخطيتي
ولاأذكر اني بذاك الوقت زعلانه
لكن حسافه ياليتي رحت ياليتي
عصفورتي ليه بتروحين عجلانه؟
يامكبر الشوق في قلبي لامريتي
روحي لبيته وارمي الورد بآحضانه
عساه يشتاق .. لاشافك تعنيتي
أنتي سرقتي سواليفي على شانه
يلا عطيني عشان أعطيك ماعطيتي
ثم اتركيني ترا الاخلاق خربانه
وصوتك يزيد الوجع لامنك غنيتي
مدام رحتي وقفتي عند بيبانه
أنا باعدك تجملتي وكفيتي
ولاتساليني الين الحين سهرانه
قولي متى حنت عيونك وغطيتي