من بعدك اضيع وين اروح انا مدري
يافالي ان قلت لي روحي على فالك
تطيب الايام لي.. وينشرح صدري
اليا عرفت اني فقلبك، قبل بالك
لا شفت وجهك تقول ان السما حدري
كني قطفت النجوم.. ونمت بظلالك
للحين وانا على حطة يديك ادري
باللي يكدرك ولا يعكر احوالك
وللحين وانا انام الليل من بدري
اقصّر الوقت.. لين يقرّب وصالك
والله لو ان البشر تنساك يا بدْري
دامي معك منت لا منسي ولا لحالك
وانا لو ان هم نسوني مانقص قدري
الا انت لوّك بتنسى ماهو اشوالك