الدّْقِيقَة الَّوْلَى وَقْتْ قْلِيلْ
مَرَّتْ كِي النّْسِيمْ لَعْلِيلْ
وَاشْ مْفَكَّرْنِي أَوْ نْسَانِي
وَالتَّانِيَة جَاتْ بَرْيَاحْ خْرِيفْ
جُوّْ بَرْدُو قَارَصْ عَصِيفْ
وَاعَدْنِي يْجِي وْخَلاَّنِي
مَا عَرَفْتْشْ شْنُو لَهَّانِي
نْسِيتْ الْوَقْتْ وَالتَّوَانِي
مَلِّي شَفْتُو بَعْيَانِي
الدّْنْيَا كُلّْهَا طَارَتْ بِيَّا
هَاجْ فْلَحْظَة بُرْكَانِي
مَلِّي لْقِيتُو إِنْسَانْ ثَانِي
حَسّْ بْمَكْنُونِي وَاحْزَانِي
رْثَى لْحَالِي وْتْبَسَّمْ لِيَا
صْدَقْ مَنْ قَالْهَا كَلْمَة
فِيهَا شَلاَّ مْعَانِي
صْفَا النّْفُوسْ مَنْ صْفَا الذَّمَّة
وَالْخِيرْ تْوَجْدُو فَالْبَرَّانِي
ضَاعْ الْأَمَلْ وَلاَّ مُحَالْ
وَالسُّؤَالْ يَطْلَقْ فَالسُّؤَالْ
جْوَابُو وَاحَدْ حْبِيبِي خْلاَصْ نْسَانِي
مَاشِي مَسْأَلَةْ رْيَاحْ خْرِيفْ
أَوْشْتَا وْلاَ نْسَايَمْ صِيفْ
مَلِّي يْكُونْ الْإِحْسَاسْ رْهِيفْ
مَكْتَابْ الْقَلْبْ يْقَاصِي وْيْعَانِي