لو الشعر يقدر يقفل باب في وسط الفؤاد
ما سهرت عيوني وزادت فالليال اجفالها
ولاشفت دمعي فوق خدي هل من كثر السهاد
ولا ضاقت النفس العزيزة والحزن ما طالها
ولا اصبح نهار الناس في عيني سوادٍ في سواد
مع ظلمةٍ فيها جميع الناس ضاع ازوالها
ولا استوطنت ذيك الجروح اللي تهافت بازدياد
في وسط صدري يوم صدري ساحةٍ لعمالها
ولا استوحشت روحي ولاحسيت في ذاك البراد
يوم الدفا ابعد ولا لي حيلةٍ احتالها
وأنا وش اللي حدني للحب واشد الشداد
واسلك دروبٍ كايده بهضابها وجبالها
غير الهنوف اللي تحدتني وجتني في عتاد
ما اشوفها الا بنت شيخٍ من يطول احبالها
حقٍ لها تغتر ما دام الغرور الها يقاد
حيث إنها بنت الرجال اللي معروف أفعالها
فيها براءه مع شقاوة طفل ماليه العناد
فيها رزانه مع رجاحة عقل ورثة خالها
لا سولفت كل السوالف تطرب اسماع العباد
ما تنتقي إلا ثمين الهرج يومه جالها
يعني بصراحه صوتها جذاب من غير اجتهاد
ارخي لها اذني وأنا اسمع من جميل أقوالها