انتظرتك احسب انّي حافظة موعد وصولك
اثر قلبي فات عنّه، ان مايسمح مجالك
ياكريم شلون تبخل ع الظمي بقطرة هطولك
ي اجودي وش لون تقبل والظمي لا شك هالك
كل ليلة آترقّب بين أحلامي مثولك
تمضي الليلة بحسرة والأرق يرسم خيالك
صار ذكرك في لساني كلمة الحق وأقولك
أنا مدري كان لاسمي فرصة يعبر على بالك
شوقي ياخذني محلٍّ قد وطت فوقه رجولك
الله لا يغفر لشخصٍ حال يخلّيني حلالك
كان لي عمرٍ أعيشه، ماني لحد دام مو لك
ماخلق ربي رِجال بجمعها تسوى ظلالك
ليتني أوصل جبينك .. ليت لو يسندني طولك
ليت كفّك ماخذلني، ليتك تخبّرني "مالك؟"
بابي مطرّف عشانك يرتجي لحظة دخولك
ياحبيبي طال هجرك والبقا بأحرف وصالك