معك تماديت يوم استعرت اشواقي
اصبحت من كثرها واهج كما الشعلة
لاموني الناس قالوا فيه وش لاقي
وماهمّني قولهم وش أصله وين أهله
أنا تعاملت رغم الصدّ بأخلاقي
أحسنت ظنّي وشفت الخير بك كلّه
ماكنت أدري بأنّك ناوي فراقي
عدو الانسان الأول يالغلا جهله
رح في طريقك وأنا ماظنني باقي
ماقول سهلة ولكن جعلها سهلة
الله يوفقك وينتزعك من أعماقي
والله ينظر في أمر الحال ويبدله
والله يعظم أجر كل عاشقٍ شاقي
يحضّه الشوق ويستعجل على قتله
حظي كذا وش ابي بالسدر والرّاقي
ملّ الصبر مير المصايب تجي جملة