قالوا إني زعولٍ، والسبب شي صغير
قلت لا شكّ ما يدرون من هو الزعول
شافوا القشّة اللي طاح منها البعير
مير ما شافوا اللي تحتها من حمول
ظنّوا الحِلم ضعفٍ مثل ضعف الغرير
ولّوا أهل الجمالة، ولّوا أهل العقول
كنّنا ما أخذنا عِلم لو باليسير
وكنّنا ما اهتدينا ولا عرفنا رسول
البلا بينهم غالي أحبه كثير
كلّ ما شبّ نارٍ، تحترق بي حقول
وكلّ ما قلت آهٍ من لسانٍ شطير
قلت يكفي حبيبي وْ كنّ ما كنت أقول
تهتني به عيوني يوم أشوفه بخير
ولو أشوفه مكدّر، كلّ فرحة تزول
خوفي اني أعافه وأقطعه في الأخير
كلّ موجوع يلقى له علاج وحلول