حَ أقول
وأسمح لك أنت كمان تقول
مهو الغرام.. رضا وقبول
بس الكلام ما بيننا شكلُه
طال
وه يطول
وأنا مِ الآخر كده..
مالِكنِّى إحساس الفضول
عايزه نبض الحب بيننا
اللِي يقول!
ما تيجي سوا.. نلغي المسافة في الهوى
مشهد وحيد
يغنينا عن كُثر الفصول
ما تيجِّي نِلغي أي حاجز
يغنينا عن أخد وعطا
ليه تقول.. وأقول؟!
يَجوز ما يفهم..
لغة القلوب غير العقول
تِسمع كلامي؟
لو عَ الكلام.. عُمرك ما تِجنى مِ الهوى
ولا يوم تنول!
كل يوم تقعد تقول
وأنا أقول
لحد ما فاض بالهوى
واحتج قال:
فيه حاجة أحلى م الحلال؟!
في حد يزعل م الأصول؟!
قُصْر الكلام..
رُوح لأبويّا يّا حلو.. قول