البارحه ضايقني الشوق بالحيل
خلاني استاحش واعد الثواني
خليت لدموعي كمومي مناديل
ابكي واعض من الحسايف لساني
اصارع الافكار واحط واشيل
واراقب نجوم السماء في مكاني
والله ما اصخف من قلوب الرياجيل
على وداد المرهفات الحساني
اليا تمثناها الهوى شافت الويل
يهزها بين الامل والاماني
امواج بحره مثل شم الاقاذيل
بس بحره ما فيه سيف ومواني
يضعف على جال العتب والغرابيل
وينمو على جال الشعر والاغاني
ولا تلوم اللي بكي تالي اليل
تزوجت حبيبته شخص ثاني