سامحيني لا ولفت الذنب واهملت العباده
واغفري ذنبي ترى نفسي على الصبر مغصوبه
الكرى الي يفزع من العين في حظن الوساده
ما نويت اسامحه لين اتحرر من ذنوبه
جعل قلبي لا بغيت انساك يلفظ بالشهاده
تنقطع منه الحبال الي مجودتن اعصوبه
يالغريب الي تغرب في وطن صدري وساده
اصدق الحكام في عدله وحنا من شعوبه
دلهوا نفسي ترى نفسي لها حق السعاده
المشاعر صاليه والكبد تصلاها الشبوبه
ما سلى الي كفن الحلم المشوه في مهاده
جعل حلمه للجنان وجعل حزنه للعقوبه
الهشيم الي يشب النار من تحت الرماده
ياكل الطلح العتيق الي مشلحت جنوبه
ياخذ الجهد الكفاح وتاخذ العزم الجلاده
والسهر ما تاخذه ذكرى مشاريه امحبوبه
كاتبٍ في عنقها خمسة قصايد عن قلاده
من ثلاث حروف ترسمها مهارات العذوبه
بندقي علقت شرهتها على طخة زناده
ان رضالي بالسلامه وان رضى لي بالعطوبه
ليت هيّاف الغلا يدرى جنابي من عناده
ما كشفت الا غطاه ولا سترت الا عيوبه
اتحاشى زلتي لين اجبروني في بعاده
والا انا لو ابتعد دايم يحن القلب صوبه
يوم قالوا هل دمعه في ضحى ليلة عياده
من قبل حفل الزفاف ومن بعد عقد الخطوبه