ما انتهينا يا حبيبي باقي ب قلبي مطامح
وانت عارف إنّي اقبل كلّ شيء إلا الهزيمة
ما قدرت اكبح خفوقٍ في مدى الآمال جامح
كلّ ما أشدّ الرسن يقوى وتشتدّ العزيمة
ما رجعت إلّا وأنا في عاتق المشوار لامح
ضحكة الأيّام وسنين الوصال المستديمة
كلّ حلمٍ في حياتي لك على وجهه ملامح
والله إنّ وجودك اللي يعطي الأحلام قيمه
يا حبيبي والزعل وارد وأنا والله مسامح
بعتذر لي عنك وآسف عن خطاياي القديمة
وأنت لك قلبٍ ضياه ل عتمة الزلّات دامح
ما يطفّي نوره اللي يضوي الكون ل نديمه
إشرق بعمري مادام الوقت للإشراق سامح
وآتكوّن في سماء عمرك من الأشواق غيمه
ورّني كيف القدر يفرش مداه ل كلّ طامح
ما بعد درب الكفاح إلّا النهايات العظيمة