كل كلمات العالم
ما توفي حق ليك
كل احضان العاشقين
ما تعبر لك شحال تنبغيك
كلمة وحدة
ما يوازيها جبال الدنيا كلام
لميمة الغالية
حب وحنان على طول الدوام
اش قدني ما نوصف
حب كبير ما تجمعو لمعاني
اجمل احساس وانظف
عطى الرحيم لكريم الغاني
ما تقولش واجب سهرانها
كون تعرف ما قاصات بيك صغير
تسمح فراحتها وفقرانها
ويديها بلسم رطب ملحرير
ربي علا قدرها ووعلاشانها
تحيد من روحها وتعيشك امير
يا ويح من حداه لميما
وما نزل يبوس رجليها
ما غداش تبقى لو ديما
خبيزة الرضا المرضي يديها
يواسيها حتى بكليما
ايلا بغى الجنة هي باش يشريها