قالو جديدك قلت ما عندي جديد
لي عن مطارد شرد الصيد دهوّه
مدري وش المانع عسى المانع حميد
اليا حضر دافع.. حضر قل شهوة
وإحساسي اللي خبركم ماهو بليد
ولا هو عن أجود نخبة السبك سهّوه
يمكن زهدت بمنبرً ماهو زهيد
أو زهدونا اللي على الشعر دعوه
أو انشطنت عن السوالف والقصيد
وابطت تنزح غيم الأتعاب صحوه
أما الغزل ما شاقني عنق الفريد
وأما الهجا مالي بمرماه سعوه
وأما مديح اللي يصيد أو ما يصيد
صديت عن طرقه مروّه ونخوه
وأما الفخر عندي من الماضي رصيد
ولابي عن المقبل صدود ولا بوه
والشعر ذوق وكيف لو كمه يزيد
والكيف يكفي منه فنجال قهوة