لو حايه

لو حاچيه..

جنت اسويلج مشتل من ورد العشگ

وازرع وجناتچ

بكل عين وحلگ

لو حاچيه ما جان كل هذا حصل

لو حاچيه شوگج جا ما علي ثگل

انتِ رحتي..

بس بقى عطرج ماخذ مكانج

وبقت بسمات خدج تزيد بحلاتج

ولو حاچيه..

ما چان كلشي بينه ساكت

ما چان الكلمات بحلوگنا ماتت

كلشي بارد وانتي جمرة بكل شي

انتي وياي حتى من اروح وامشي

ولو متت انه بيوم..

من ذاك العشگ

زرعي ورد خدج ع نعشي

وماكو داعي لكل الظلام

كحل عيونج يغطي النعش

ماله داعي الاربعين بيج ارضى بأربع طعش

بيج احلي كل العسر

واطحن والوچن بالصبر

انه لو مره حضنتج ابقى حاير

شلون الله رسم هذا الخصر

وشلون كتب نترك عشگنه

ويغبش ليلنه بدل ذاك الفجر

لو حاچيه..

وحارگين كل هذا البرود

وطاش فوك روحج انواع الورود

گليلي شجزينه من هذا الحب

روحج وروحي والبينهم صعب

لو حاچيه ما جان ضگنه الخسارة

وانرسم بعيونه كل هذا الغلب

انتي ساكته وضيعيتي كلشي زين

وانتي ساكته وجف بسكوتج انهار الحنين

وهذا انه باقي مثل الورد

"الورد كاتله العطش

لكن انه كاتلني البرد"