أنا حبة وجع فكة
وبتعكز على الضحكة
حبيبى تمدلى إيدك
أبوس إيدك
بلاش على قلبى تتكه..!!
دى مش قصة سلام خالص
يا عم أنا قلبى مش خالص
ومش حمل العذاب خالص
وانت فتحت له السكة..!!
ده أنا العصفور بيشبهلى
ف حزنه وقهرته م الحبس
لمحت إيديك وشاورتلى
لقيتنى ف القفص باللمس..!!
يا دوب سلمت فا استسلمت
كأن الدنيا ماشية العكس..!!
بدال م الشبكة تصطاد لى
لقيت نفسى اللى ف الشبكة..!!
حبيبى تمدلى إيدك
أبوس أيدك
بلاش على قلبى تتكة..!!