طوفان شماتة .. وحالة ماتسرش
وجدار قديم "ف" خرابة مهجورة ..!!
عيل صغير "سيس" .. وماإهتمش
يشغل دماغه بحالته "ف" الصورة ..!!
مركب عليها الموج .. مايتلمش
تحضن رمال الشط .. مكسورة ..!!
وسنين عجاف .. والبر متحسر
يامين يفسر حالنا "ف" التوهة ..؟!!
عايشين وباب الحلم .. متكسر
والقلب ماشى "ف" سكة مشبوهة ..!!
مانسيتش "حوتى" .. بس متأثر
بحيتان كتيرة "ف" وشى رصوها ..!!
وانا جيت وقاصد "م" الأمان حبة
على ما تيسر من هدوء النفس ..!!
غلبنى خوفى "م" اللى يتخبى
وقتلنى خوفى إنى أحس بنقص ..!!
ماتت حروفى "ع" السطور شابة
معرفتش آخد حقها لو .. قنص ..!!
من غير مبالغة او كلام مرصوص
خمسين سنة .. مستنظرين الحل ..!!
من غير مساومة "ف" حقنا المنقوص
و "ف" كل مرة بيدوهولنا .. اقل ..!!
مخى اللى بارم "ف" الوجع مدفوس
عاجز عن التفكير .. كأنه إتشل ..!!
جربت أسافر جوه "الف" وريد
وأشوف بعينى الطيبين .. واحلم ..!!
عيل وشارد عاصى "ع" الترويض
مضحوك عليا .. وكل شئ مبهم ..!!
لميت حصى "م" الارض قولت يبيض
طلع "الوزغ" يضحك عشان أفهم ..!!
حاولتوا ليه بالعقل تبنوا جدار ..؟!!
يفصل مابين العقل .. والمنطق ..؟!!
الدم لو بالدم .. "يبقى" التار
بس العدالة "ف" شرعكم تقلق ..!!
مركب وتايه .. يجرفه التيار
بتزيد عليها الريح .. عشان تغرق ..!!
والعلة واضحة .. و"الحجج" واهية
و"ألف" كف .. بيربطوا الخية ..!!
عايشين "ف" قطع القلب و"ف" ناهية
و"ف" سكة اللى تروح ماهيش جاية
راحت قلوبنا الطيبة "ف" داهية
و"ف" كل لحظة .. بترخصوا شوية ..!!