الليل واطياف الغلا والصبح الابلج والقصيد
ترسم ملامح خافقي في صفحة احساس الغروب
اعانداحزان الزمن واغازل النجم البعيد
واكتب دواويني على الامواج وانسام الهبوب
ياهيه ياللي شوفك وطاريك للولهان عيد
تركض لك خيول الفرح من كل فج وكل صوب
غلاك يعثى في شراييني ويجري ف الوريد
ياللي غرامك من صغر سني شربته كوب كوب
قيّدت عيني ماتناظر في جمال الغيد قيد
واسرت حرفي فيك نبض وشوق يالغض اللعوب
تعال فك اغلال حرفي ذوّب جبال الجليد
خلّ الجليد اللي كساني من دفا وصلك يذوب
واحكم على ماتشتهي يازين وافعل ماتريد
هواك امير وقلبي ونبضي واحاسيسي شعوب
إكشف حسابك شوف كم لك في خفوقي من رصيد
جاتك مقاليدالحشا يالعذب نهاب القلوب
يافل ياقطرة ندى ياضحكة الطفل الوليد
يارقّة ورود الهدا ياقسوة جبال الجنوب
سؤال؟ ليه الناس ينقص حسنها وانته تزيد؟؟
يالابس الإحساس والحشمة وخف الدم ثوب