ياما نفسي أبقى رئيس
وأريَّح المتاعيس
واشتال هموم البلد
وارقص لكل عريس
لو تختاروني
رئيس
شيل الحمول شغلتي
عارفين أكيد همتى
خدماتي مالهاش عدد
معروف أنا بخدمتي
وايش حال لو
ابقى رئيس
هاعمل لراحة الناس
واملا البلد أعراس
في كل بيت منتخب
وف كل قرية كاس
خللي ولادنا تهيص
هلغي لكم الأتوبيس
والتاكسي والسرفيس
واقضي على الإرسال
والنت ويّا الفيس
أول ما هبقى رئيس
م البنك مش عاوزين
هنشغل العاطلين
ونوفّر البنزين
بلا شكمانات وفتيس
لوخلتوني
رئيس