غيابك ده

غيابك ده..

ما جاش على بالي بالمرة

في بعدك ده

ما فيش ولا حاجة مش مرة

وإيه ذنبي.. في بُعدك ده؟

ما هي الدنيا غرورة صحيح

بتلعب بينا زيّ الريح... تمرجحنا.. تطوحنا..

ويوم ما نقول هتفرحنا

بتجرحنا.. وتنسانا بقلوب مجاريح

وده حالي في بعدك ده

ليالي البعد.. بتعدي علينا.. شهور

طيور عايشة.. بدون عشة.. وجناح مكسور

وفكرة تثور.. تجيب فكرة

تدوس في طريقها ميت فكرة

يصيبني الدور.. ألف وادووووور

واطفي النور.. واقيد النور

واقول يا قلبي على فكرة..

حرام اهدى

دا حالك ده

ما جاش على بالي بالمرة

وإيه ذنبي.. في بعدك ده؟