فنجال قهوة مع تعاليل وهروج
مع اتساع حجاج ست الحبايب..
حزه تساوي كل غالي ومنتوج
وخيراتها بعيني مزونن صبايب..
يا كبر حظ اللي لقاها بلا دوج
أخطاه درب البعد والقرب صايب..
قدام عينه كالضِيّا براس البروج
وبْ بّرها أجرن من الله وهايب..
يحب يديها وراسها قبل الخروج
ويسمع دعاوي خيرها كالسحايب..
مير البلا حظي مع سنيني العوج
خلتني بغربه عن العين غايب..
والمغترب فوج الفكر ينطح الفوج
من وين ما وجّه جروحه عطايب..
بُعد المسِير، وكل ذكرى لها موج
ويمرجح الهاجوس كثر الهبايب..
لكن غصب نصبر ولآمالنا سروج
يمكن تزين حظوظ عسف الركايب..
ويا رب يا زارع غلا أمي ورا العوج
تكتب لي دايم قربها إبلا سبايب..